La poesia Vincenzo De Pretore fu scitta da Eduardo nel 1948; da essa è tratta la omonima commedia o meglio De Pretore Vincenzo scritta nel 1957; seguono Fina e Lenta; Tre Piccerilli; ‘A Paura Mia; ‘O Ragù; Io Vulesse Truvà Pace , questa ultima è stata musicata e cantata da Pina Cipriani
Io vulesse truvà pace, ma na pace senza morte, una mmiez’à tanta porte s’arapesse pe campà. S’arapesse na matina, na matin’e primmavera e arrivasse fin’a sera senza dì …nzerrate là. Senza sentere cchiù a ggente ca te dice…io faccio, io dico… senza sentere l’amico c’a te vene a cunziglià. Senza senter’ a famiglia ca te dice…ma ch’è fatto ? senza scennere cchiù a patto c’a cuscienza e a dignità. Senza leggere ‘o giurnale c’a nutizia impressionante, ch’è nu guaio pe tutte quante ma nun tiene che ce fa. Senza sentere ‘o duttore ca te spiega a malatia… ‘a ricetta in farmacia… l’onorario ch’e à pavà. Senza sentere stu core ca te parla ‘e Cuncettina, Rita, Brigida, Nannina… chesta si…chell’ata no. Pecchè, insomma si vuò pace e nun sentere cchiù niente, ‘e a sperà ca sulamente ven’a morte a te piglià ? Io vulesse truvà pace, ma na pace senza morte, una mmiez’à tanta porte s’arapesse pe campà. S’arapesse na matina, na matin’e primmavera e arrivasse fin’a sera senza dì …nzerrate là. Eduardo
La poesia Vincenzo De Pretore fu scitta da Eduardo nel 1948; da essa è tratta la omonima commedia o meglio De Pretore Vincenzo scritta nel 1957; seguono Fina e Lenta; Tre Piccerilli; ‘A Paura Mia; ‘O Ragù; Io Vulesse Truvà Pace , questa ultima è stata musicata e cantata da Pina Cipriani
