Sciambrato
Il termine “sciambrato“, significa soprattutto comodo, ma anche libero dal manuale del vestir bene, essere in disordine ed anche mal vestito, non a posto, seminudo. Questa parola sembra che derivi dal francese CHAMBRE (soprattutto camera da letto); quindi stare in desabillè, semi vestito appunto come si sta in camera propria solitamente…quindi seminudo nella “chambre” ed ecco che in napoletano diventa SCIAMBRATO
Nella poesia di Raffaele Viviani, Primitivamente, potrebbe essere inteso come una persona mal vestita, in disordine, seminuda o in uno stato di trasandatezza, e l’idea di chi si trova in abiti semplici e poco curati, libero da “etichetta”.
Ecco la stupenda poesia di Raffaele Viviani :
Primitivamente
“Me ne vogl’i’ a campa’ ‘mmiez’a na terra,
‘a parte ‘e Punticiello, Caivano:
so’ stufo d”e città, Roma, Milano:
quanno voglio fa’ ‘a vita, vaco ‘Acerra.
‘Mmiezo a na terra, sulo, addò se magna
cu a crapa, ‘a vacca, o puorco, ‘o pulicino;
na casa grezza ‘e tufo, nu lettino,
e se risciata l’aria d”a campagna.
All’alba ‘o gallo canta, io arapo ll’uocchie
e appiso ‘e trave veco ‘o bene ‘e Dio.
Mme mengo, jesco fore, sto sul’io
e me diverto a sèntere ‘e rranocchie.
M’accosto ô puzzo, addò ce sta ‘o mulino:
na grossa rota e tutte sicchie attuorno.
E ‘o ciucciariello avota, albanno juorno,
e ‘o sicchio ‘e reto saglie sempe chino.
Scarreca ll’acqua e torna a capa sotto,
se jenche e saglie areto cu ll’at’acqua.
E ‘o ciucciariello avota e nun se stracqua
fino a c’ ‘o sole forte nun l’ha cuotto.
Rallenta ‘o passo, va cchiù lenta ‘a rota,
cu ‘a capa, ‘e rrecchie appese e ‘a lengua ‘a fora.
Se scioscia ‘e mosche ‘a cuollo aizanno ‘a cora,
pe’ dinto ‘a gareggiata chiena ‘e lota.
Chesto voglio vede’, chesto e nient’ato.
Aggio bisogno’ e fa’ na vita santa.
N’aucelluzzo ‘nterra ca me canta:
senza me ‘ntuletta’, sempe sciambrato.
Voglio fa”a corte? ‘a faccio a’ gallenella,
spugliato comme sto, comme me trovo.
‘A vaco appriesso, veco addò fa l’uovo,
m”o zuco o ‘o faccio fritto ‘int”a tiella.
Me voglio fa’ nu bagno? ‘int”a cesterna
acqua gelata! e vevo ‘nfaccia ô sicchio.
Cu ‘o vino ca se fa, spilo ‘o cavicchio
e aggio voglia ‘e campa’ na vita eterna.
‘O parzunale me dà ‘o Ssignuria,
‘o cane ‘e presa ca m’allcca ‘a mano.
Niente pultrone, segge né divano:
sempe pe’ terra ch’è ‘a passione mia.
Distratto, senza leggere giurnale,
senza rilorge, calannarie: niente.
Comme a ll’antiche, primitivamente.
Senza sta civiltà. Vita animale.
Cient’anne aggi”a campa’ ‘mmiez’a sta terra:
quanno voglio fa’ ‘a vita, vaco ‘Acerra!”
Per concludere, il dizionario Napoletano, a cura di Antonio Altamura definisce la parola anche con il significato di allentato, sciorinato, largo oltre al già citato comodo.
